سلمان کا مداحوں کےلئے پیغام

سلمان خان نے اپنے ٹویٹر پر مداحوں کیلئے پیغام میں اظہار تشکر کیاہے۔ ا نہوں نے کہا کہ برے وقت میں میرے ساتھ رہنے پر،میری حمایت کرنے پر اور بے انتہا محبت کرنے پر میں آپ کاشکر گزار ہوں۔ سلمان کہتے ہیں کہ مداحوں کی محبت دیکھ کر وہ آبدیدہ ہوگئے ۔بالی وڈ اداکار حال ہی میں جودھپور جیل سے ضمانت پر رہائی کے بعد واپس لوٹے ہیں ۔ واپسی پر ان کے مداحوں نے ان کا شاندار استقبال کیا۔بالی وڈ ستاروں نے بھی ان کی رہائی کی خوشی منائی۔