ولی عہد شہزادہ محمد بن سلمان پیرس پہنچ گئے

پیرس: ولی عہد ووزیر دفاع شہزادہ محمد بن سلمان پیرس پہنچ گئے۔ وہ فرانس حکومت کی دعوت اور خادم حرمین شریفین کی ہدایت پر فرانس پہنچے ہیں۔ قبل ازیں ایوان شاہی نے اعلامیہ جاری کرتے ہوئے کہا کہ ولی عہد ہفتہ کو امریکہ سے فرانس روانہ ہوگئے جہاں ان کی ملاقات صدر ایمانویل میکرون سے ہوگی۔ امریکہ سے روانہ ہوتے وقت ولی عہد نے امریکی صدر ڈونلڈ ٹرمپ کے نام مکتوب روانہ کرکے بہترین میزبانی پر ان کا شکریہ ادا کرتے ہوئے کہا کہ امریکہ میں قیام کے دوران بہترین میزبانی ہم دونوں کے ممالک کے درمیان مستحکم تعلقات کی عکاسی کرتی ہے جس پر میں آپ کا شکریہ ادا کرتا ہوں۔