ودیا بالن فلم پروڈیوس کریں گی

بالی وڈ کی معروف اداکارہ ودیا بالن کئی فلموں میں اداکاری کے بعد اب فلم پروڈیوسر بنیں گی۔وہ ہندوستان کی سابق وزیر ا عظم ،معروف سیاستدان اندرا گاندھی کی زندگی پر بننے والی فلم پروڈیوس کریں گی ۔اندرا گاندھی پر فلم کی ویب سیریز بنے گی۔ ودیا کے شوہر سدھارتھ رائے کپور معروف فلم پروڈیوسر ہیں تاہم ان کی دیکھا دیکھی ودیا نے بھی اب علیحدہ سے فلمیں پروڈیوس کرنے کا فیصلہ کیاہے۔حال ہی میں ودیا کی فلم ' تمہاری سلو' ریلیز ہوئی تھی۔