مادھوری کی مراٹھی فلم کا پوسٹر جاری

بالی وڈ اداکارہ مادھوری دکشت کی پہلی مراٹھی فلم کاپوسٹر منظرعام پر آگیا۔ اداکارہ مادھوری دکشت نے اپنافلمی روپ سماجی رابطہ اکاﺅنٹ ٹویٹر پر پیش کردیا۔فلمی پوسٹر میں مادھوری دھانی رنگ کی ساڑھی پہنے مسکراتے ہوئے دکھائی دے رہی ہیں۔ بیک گراونڈ میں چند الفاظ' ہاوس وائف، مدر اور فرینڈ' لکھے دکھائی دے رہے ہیں۔مادھوری چار برس بعد کسی فلم میں کام کررہی ہیں۔ یہ ان کی پہلی مراٹھی فلم ہے جس میں وہ اداکاری سمیت پروڈکشن کے فرائض بھی خود ہی انجام دیں گی۔