شہباز شریف زینب کے گھر پہنچ گئے

لاہور ...وزیراعلیٰ پنجاب شہباز شریف نے قصور میں قتل ہونے والی 7سالہ بچی زینب کے گھر کا دورہ کیا اور متاثرہ خاندان سے تعزیت کا اظہار کیا۔ انہوں نے بچی کے والد کو مکمل تعاون کا یقین دلایا اور کہا کہ یہ مقدمہ جلد اپنے منطقی انجام کو پہنچے گا۔ بچی کے قتل کے خلاف احتجاج کرنے والے مظاہرین پر فائرنگ کرنے والے پولیس اہلکاروں کو گرفتار کرلیا گیا ہے اور ان سے پوچھ گچھ کی جارہی ہے۔