رنبیر نے ایوارڈز تقریبات میں جاناچھوڑدیا

بالی وڈ کے معروف ہیرو رنبیر کپور نے فلمی ایوارڈز شو میں جانا چھوڑدیا ہے۔ایوارڈز کی ایک حالیہ تقریب میں بھی رنبیر کپور نے شرکت نہیں کی ۔ وہ اب کسی ایوارڈ شو میں شریک نہیں ہوں گے۔وہ ماضی میں ایوارڈ شو کی متعدد تقریبات میں نہ صرف شرکت کرچکے ہیں بلکہ وہ کئی شوز کی میزبانی سمیت ایوارڈشوزمیں اپنی ڈانس پرفارمنس سمیت دیگر شریک اداکاروں کےساتھ مختلف انداز میں اداکاری بھی کرچکے ہیں۔وہ عالیہ بھٹ کےساتھ اپنی اگلی فلم ' براہمسترا' کی شوٹنگ کیلئے بیرون ملک موجود ہیں۔