ہجرہ روڈ پر حادثہ،پاکستانی معتمر جاں بحق

جدہ.... ہجرہ روڈ پر خلیص کبری کے قریب برق رفتاری کے باعث گاڑی الٹنے پر ایک پاکستانی معتمر جاں بحق اور 4زخمی ہوگئے۔جدہ میں ہلال احمر کے ترجمان عبداللہ ابو زید نے یہ اطلاع دیتے ہوئے واضح کیا کہ 3امدادی ٹیموں نے زخمیوں کی مرہم پٹی میں حصہ لیا۔ ایک کی حالت نازک ہے۔ چاروں زخمی پاکستانیوں کو خلیص جنرل اسپتال منتقل کردیا گیا۔ 3کے زخم درمیانے درجے کے ہیں۔