بوبی دیول خوش ہوگئے

بالی وڈ اداکار دھرمیندر کے چھوٹے بیٹے بوبی دیول ان دنوں کافی خوش ہیں۔ خبروں کے مطابق بوبی دیول کو حال ہی میں فلم 'ریس' کے تیسرے سیکوئل میں ایک کردار کیلئے منتخب کرلیاگیاہے۔ بوبی اداکار سلمان خان کےساتھ فلم میں کام کرنے پر انتہائی خوش ہیں۔بوبی نے کافی عرصے انڈسٹری سے دور رہنے کے بعد فلم ' پوسٹر بوائز' سے سینما اسکرین پر آئے ہیں۔ اس سے قبل ان کے بھائی اداکار سنی دیول نے میڈیا سے گفتگو میںکہا تھا کہ بوبی دیول اپنے فلمی کریئر کے بارے میں کافی پریشان ہیں کیونکہ کوئی پروڈیوسر انہیں فلم میں کافی سالوں سے کام نہیں دے رہاہے۔کہاجارہاہے کہ فلم 'ریس تھری' بوبی دیول کے فلمی کریئر کو نیا رخ دینے میں معاون ثابت ہو سکتی ہے ۔