رنبیر کپور اب کشور کماربنیں گے

بالی وڈ فلموں میں اپنی آواز کا جادو جگانےوالے معروف گلوکار کشور کمار آج بھی اپنی مدھر آواز کے باعث لوگوں کے دلوں میں ہیں ان کے لازوال گیت آج بھی مقبول ہیں۔ اب بالی وڈ انڈسٹری میں کشور کمار کی زندگی پر فلم بنانے کا فیصلہ کیاگیاہے۔ بالی وڈ کے معروف فلمساز انوراگ باسو نے کشور کمارکے مرکزی کردار کیلئے اداکار رنبیر کپور کو منتخب کیاہے۔ خبروں کے مطابق انوراگ کا کہنا ہے کہ معروف گلوکار کی زندگی پر بنائی جانےوالی فلم کا اسکرپٹ مکمل ہوگیاہے۔ بہت جلد فلم کی شوٹنگ شروع کر دی جائے گی۔ اطلاعات کے مطابق رنبیر کپور ان دنوں اداکار سنجے دت کی زندگی پر بننے والی فلم کی شوٹنگ میں مصروف ہیں جسکے بعدکشور کمار کی زندگی پر فلم کا کام شروع کیاجائےگا۔