بالی وڈ اداکارہ ودیا بالن ٹریفک حادثے سے بال بال بچ گئیں جب کہ ان کی گاڑی کو نقصان پہنچا۔بالی وڈ میں اپنی منفرد اداکاری کے حوالے سے مشہورودیا بالن ایک میٹنگ میں شرکت کے لئے ممبئی کے علاقے باندرہ جارہی تھیں کہ اچانک ان کی کارکا دوسری کارسے تصادم ہوگیا، جس کے باعث اداکارہ حادثے سے بال بال بچ گئیں، انہیں کسی قسم کی کوئی چوٹ نہیں آئی تاہم ان کی گاڑی بری طرح متاثرہوگئی۔واضح رہے کہ ودیا بالن آخری بارفلم ”بیگم جان“ میں نظر آئی تھیں لیکن وہ فلم شائقین کی امیدوں پر پوری اترنے میں ناکام رہیں تاہم آج کل ودیااپنی نئی آنے والی فلم”تمہاری سلو“ کی شوٹنگ میں مصروف ہیں جونومبر میں سنیما گھروں کی زینت بنے گی۔
