سلمان کا ٹی وی شو کیلئے بھاری معاوضہ

بالی وڈ کے دبنگ خان یوں تو اپنی اداکاری کے باعث سینما اسکرین پر کافی مقبول ہیں، وہیں وہ ٹی وی پروگراموں کی بھی جان سمجھے جاتے ہیں۔اسی شہرت کو دیکھتے ہوئے سلمان خان نے اپنے معاوضے میں اضافہ کردیاہے۔وہ ٹی وی پروگرامز میں آنے کے لئے بھاری معاوضہ وصول کررہے ہیں۔ ہندوستانی خبروں کے مطابق سلمان خان نے بگ باس11کی ایک قسط کیلئے11 کروڑ روپے معاوضہ مقررکیاہے۔ سلمان خان پچھلے8 برسوں سے اس ٹی وی پروگرام کی میزبانی کررہے ہیں۔سلمان خان کا نیابگ باس سیزن11 یکم اکتوبر سے شروع ہونےجارہاہے۔