انسٹاگرام نے لائیو وڈیو میں فلٹر شامل کر دیئے

انسٹا گرام نے اپنے صارفین کے لئے لائیو وڈیو میں دلچسپ فلٹر شامل کر دیئے ہیں۔ اب صارفین لائیو وڈیو کے دوران مختلف فلٹرز اور ماسک استعمال کر سکتے ہیں۔اسکرین کے دائیں جانب بنے فیس آئیکون پر ایک ٹچ سے یہ تمام فلٹرز اور ماسک سامنے آجائیں گے۔ اسکے ساتھ کئی ڈیزائن کے چشمے بھی ماسک میں شامل کئے گئے ہیں۔ وڈیو کے دوران ہی گلاسز پر ٹیپ کرکے انکا ڈیزائن اور ان میں نظر آنے والا عکس تبدیل کیا جا سکے گا۔ یہ فیچر جلد ہی انسٹا کے تمام صارفین کے لئے دستیاب ہو گا۔