گرمیت کے ڈیرے میں صحافیوں پر حملہ

سرسا۔۔۔۔پنچکولا میں واقع ڈیرہ سچا سودا کے سربراہ گرمیت کے ڈیرے کے صدر پی آرنین کے بیان کے بعد حقیقت جاننے کیلئے وہاںجانے والی میڈیا ٹیم پر ڈیرے کے شرپسند وں نے حملہ کردیا۔ الیکٹرانک اور پرنٹ میڈیا کےنمائندے جیسے ہی ڈیرے میں رپورٹنگ کیلئے پہنچے ، بڑی تعداد میں مشتعل کارکنوں نے  رکاوٹیں کھڑی کرکے انہیں گھیرلیا تاہم اخباری نمائندوں اورٹی وی چینلز کے اہلکاروں نے رکاوٹیں عبور کرکے کسی طرح سے بھاگ کرجان بچائی۔سرسا کے صحافیوں نےاس کی شکایت مقامی پولیس اسٹیشن میں درج کرادی۔