پوجا بترا امریکی شو کا حصہ بن گئیں

بالی وڈاداکارہ پوجا بترا نے حال ہی میں ایک امریکی ٹی وی پروگرام جوائن کرلیا ہے۔ ہندوستانی میڈیا کے مطابق پوجا بترا پروگرام ”لیتھل ویپن“ میں نظر آئیں گی۔ پروگرام کی ریکارڈنگ کا باقاعدہ آغاز کردیاگیاہے۔پوجا نے امریکی ٹی وی شو کی ٹیم کے ممبران کےساتھ نئی تصاویر بھی اپنے سوشل میڈیا اکاونٹ پر اپ لوڈ کی ہیں جس میں وہ ہالی وڈ اداکار ڈیمون وایانز اور کلینے کرافورڈ کے ساتھ نظرآرہی ہیں۔نیا امریکی پروگرام شان بلیک کی فلم سیریز کا حصہ ہے۔ بالی وڈ انڈسٹری کی 90 کی دہائی کی اداکارہ پوجا نے مشہور فلموں وراثت، چندرلیکھا، حسینہ مان جائیگی اور تاج محل جیسی فلموں میں کام کر کے کافی شہرت حاصل کی تھی۔وہ اب نئے امریکی شو کا حصہ بن چکی ہیں۔