سدھارتھ ملہوترانے گلوکاری شروع کردی

بالی وڈ اداکار سدھارتھ ملہوترا نے اداکاری کےساتھ اب گلوکاری کرنا بھی شروع کردی ہے۔وہ اپنی نئی آنےوالی فلم” اے جنٹلمین“کے ایک گانے” بندوق میری لیلا“ میں اپنی آواز پیش کررہے ہیں۔ یہ گانا گلوکارایش کنگ سمیت سدھارتھ ملہوترا بھی گائیں گے۔ مشہور موسیقار سچن جگر نے سدھارتھ کے موسیقی کے شوق کو دیکھتے ہوئے انہیں اپنی آواز پیش کرنے کی آفر دی ہے۔کرن جوہر کی فلم” اسٹوڈنٹ آف دی ایئر“ سے بالی وڈکریئر کا آغاز کرنےوالے سدھارتھ اداکاری کے ساتھ گلوکاری میں بھی قسمت آزمانے جارہے ہیں۔ سدھارتھ کی نئی فلم رواں ماہ ریلیز ہوگی۔