بگ بی کا انیل کپور کو انڈسٹری نہ چھوڑنے کا مشورہ

انیل کپور کا کہنا ہے کہ بالی وڈ کے لیجنڈ اداکار امیتابھ بچن نے انھیں انڈسٹری نہ چھوڑنے کا مشورہ دیا ہے۔ ہندوستانی میڈیا رپورٹس کے مطابق انیل کپور کا کہنا ہے کہ38 سال کے طویل فلمی کیرئر میں انہوں نے کبھی بریک نہیں لیا۔ بقول انیل کےبالی وڈ میگا اسٹار امیتابھ بچن نے ان سے کہا تھا کہ انڈسٹری چھوڑنے کی غلطی کبھی نہ کرنا۔ امیتابھ جی اپنی فلم’’ خدا گواہ‘‘ کے بعد5 سال کیلئے نیویارک چلے گئے تھےج جب میں وہاں اپنی فلم’’ مہرباں‘‘ کی شوٹنگ کیلئے گیا تو وہاں میری ملاقات بگ بی سے ہوئی، میں نے انہیں کہا کہ میں اپنے فلمی کیریئر سے تھک گیا ہوں اور بریک لینا چاہتا ہوں جس پر امیتابھ نے مجھے کہا کہ اپنی زندگی میں ایسی غلطی کبھی نہ کرنا۔اسکےبعد میں جب واپس انڈیا آیا اور آتے ہی دو فلمیں سائن کرلیں ۔حال ہی میں انیل کپور کی نئی فلم ’’مبارکاں‘‘ریلیز ہوئی ہے۔