کراچی ...ایم کیو ایم پاکستان نے بھی وزیر اعظم نواز شریف سے استعفے کا مطالبہ کردیا۔ ایم کیو ایم کے سربراہ فاروق ستار نے منگل کو پریس کانفرنس سے خطاب کرتے ہوئے کہا کہ دانشمندی کامظاہرہ نہ کیا گیا توبحران مزید سنگین ہو سکتا ہے ۔انہوں نے کہا کہ جے آئی ٹی کی رپورٹ آنے کے بعد ایم کیو ایم اب وزیراعظم کو مشورہ نہیں دے رہی بلکہ یہ مطالبہ کرتی ہے کہ انہیں اخلاقی بنیادوں پر عہدے سے مستعفی ہوجانا چاہیے۔جس نے بھی کرپشن کی ہے اس کا بلا امتیاز احتساب ہونا چاہئیے۔
