مطالبات پر قطر کا جواب مل گیا ہے، وزارت خارجہ

ریاض: سعودی وزارت خارجہ نے کہا ہے کہ 13مطالبات پر اسے قطر کا جواب موصول ہوا ہے۔ قبل ازیں وزیر خارجہ عادل الجبیر نے کویت کے وزیر مملکت شیخ محمد العبد اللہ الصباح کا جدہ میں دفتر خارجہ میں استقبال کیا۔کویتی وزیر مملکت نے قطر کا جواب سعودی عرب تک پہنچاتھا۔ واضح رہے کہ عرب ممالک کے مطالبات کے جواب پر مشتمل امیر قطر کا مکتوب قطری وزیر خارجہ نے امیر کویت کے حوالے کیا تھا۔