ورلڈ ٹیچرز ڈے آج منایا جائیگا

 اسلام آباد .... استاد کی عظمت کے اعتراف میں عالمی دن ” ورلڈ ٹیچرز ڈے “ بدھ کو پاکستان سمیت دنیا بھرمیں منایا جائے گا۔ اس دن کی مناسبت سے ملک بھر میں تقریبات کا اہتمام کیا جائے گا جس میں اساتذہ کرام کی عظمت کے اعتراف میں ان کی خدمات کو خراج تحسین پیش کیا جائے گا۔ ورلڈ ٹیچرز ڈے ہر سال 5اکتوبر کو پاکستان سمیت دنیا بھر میں100 سے زائد ممالک میں منایا جاتا ہے ۔بعض ممالک میں اس دن کی اہمیت کے پیش نظر تعطیل بھی کی جاتی ہے۔ دنیا بھر میں اساتذہ تنظیمیں یہ دن اہتمام سے مناتی ہیں۔ اس دن کے منانے کا مقصد اساتذہ کو تعلیمی شعبوں میںمتحرک کرنے میں مدد فراہم کرنا اور اس امر کو یقینی بنانا ہے کہ اساتذہ مستقبل کے معماروںکی تعلیمی ضروریات کو جاری رکھیں گے۔ یونیسکو کے زیر اہتمام عالمی یوم اساتذہ 1994ءسے ہر سال باقاعدگی سے منایا جا رہا ہے ۔عالمی ٹیچرز ڈے اس عالی شان اظہار کی نمائندگی کرتا ہے جو تعلیم کے میدان میں ترقی کیلئے اساتذہ کرام خدمات انجام دیتے ہیں۔