عرب امارات کی ایئر لائن فلائی دبئی کا پشاور سے پروازوں کا آغاز
متحدہ عرب امارات کی ایئر لائن فلائی دبئی نے پشاور کے باچا خان انٹرنیشنل ایئرپورٹ سے آپریشن کا آغاز کر دیا ہے۔
پاکستان ائیرپورٹس اتھارٹی کا کہنا ہے کہ فلائی دبئی کی پہلی پرواز جمعرات کی رات کو 164 مسافروں کو لے کر پشاور پہنچی ہے۔
باچا خان ایئرپورٹ پر لینڈ کرنے پر فلائی دبئی کی پرواز کو واٹر کینن سلامی دی گئی۔
فلائی دبئی کی آمد پر کیک کاٹنے کی تقریب بھی منعقد ہوئی۔
ایئر لائن فلائی دبئی ہفتے میں سات فلائٹس آپریٹ کرے گی جس سے پشاور سے خلیجی و یورپی ممالک کے لیے فضائی روابط میں توسیع ہو گی۔
فلائی دبئی کی پرواز ایف زی 375 جمعرات کی رات گئے 2 بج کر 20 منٹ پر 184 مسافروں کے ساتھ واپس دبئی روانہ ہوئی۔
