سعودی نائب وزیر خارجہ سے پاکستان اور سوڈان کے سفیروں کی ملاقات

سعودی نائب وزیر خارجہ انجینیئر ولید بن عبدالکریم الخریجی نے اتوار کو ریاض میں وزارت کے ہیڈکوارٹرمیں پاکستان کے سفیر احمد فاروق کا خیرمقدم کیا۔

ایس پی اے کے مطابق ملاقات کے دوران دوطرفہ تعلقات کا جائزہ، بین الاقوامی صورتحال اور ااس حوالے سے کی جانے والی کوششوں پر تبادلہ خیال کیا گیا۔

علاوہ ازیں سعودی نائب وزیرخارجہ سے مملکت میں سوڈان کے سفیر دفع اللہ الحاج علی جنہیں سوڈان میں کابینہ امور کا وزیر اور قائم مقام وزیراعظم مقرر کیا گیا، ملاقات کی۔

ملاقات میں سوڈان کی صورتحال، اس کے اثرات اور اس حوالے سے کی جانے والی کوششوں پر تبادلہ خیال کیا گیا۔

اس موقع پر وزیرخارجہ کے مشیر برائے سیاسی امورشہزادہ مصعب بن محمد الفرحان بھی موجود تھے۔