پاکستان کے نائب وزیراعظم اور وزیر خارجہ سینیٹر اسحاق ڈار نے آج متحدہ عرب امارات کے نائب وزیراعظم اور وزیر خارجہ شیخ عبداللہ بن زاید النہیان سے ٹیلی فونک رابطہ کیا ہے۔
منگل کو پاکستان کی وزارت خارجہ سے جاری ایک بیان میں کہا گیا ہے کہ دونوں رہنماؤں نے حالیہ علاقائی صورتحال اور باہمی تشویش کے معاملات پر تبادلہ خیال کیا۔
اسحاق ڈار نے امارات کے نائب وزیراعظم اور وزیر خارجہ کو انڈین الزامات کے ردعمل میں قومی سلامتی کمیٹی کے فیصلوں سے آگاہ کیا۔
متحدہ عرب امارات کے نائب وزیراعظم اور وزیر خارجہ شیخ عبداللہ بن زاید النہیان نے علاقائی استحکام، دونوں ممالک کے درمیان بات چیت، تحمل کا مظاہرہ کرنے اور تنازعات کو پرامن طور پر حل کرنے کی اہمیت پر زور دیا۔
دونوں رہنماؤں نے علاقائی صورتحال پر مشاورت جاری رکھنے پر اتفاق کیا۔
