سعودی اور فرانسیسی وزرائے خارجہ کی ملاقات، فلسطین امن کانفرنس پر تبادلہ خیال

سعودی وزیرخارجہ شہزادہ فیصل بن فرحان سے جمعے کو ریاض میں فرانس کے یورپی اور خارجہ امور کے وزیر جین نول بیروٹ کا خیرمقدم کیا۔

سرکاری خبر رساں ایجنسی ایس یی اے کے مطابق ملاقات میں دونوں ملکوں کے درمیان دوطرفہ تعلقات کا جائزہ، مشترکہ دلچسپی کے علاقائی اور بین الاقوامی امور خصوصا غزہ کی صورتحال، مسئلہ فلسطین اور دو ریاستی حل پر عملدرآمد کے لیے امن کانفرنس کے حوالے سے کی جانے والی کوششوں پر تبادلہ خیال کیا گیا۔

فلسطین پر امن کانفرنس آئندہ جون میں سعودی عرب اور فرانس کی مشترکہ صدارت میں منعقد ہونے والی ہے۔

اس موقع پر وزیرخارجہ کے سیاسی امور کے مشیر شہزادہ مصعب بن محمد الفرحان، فرانس میں سعودی سفیر فہد الرویلی اور وزارت خارجہ میں مشیر ڈاکٹر منال رضوان نے شرکت کی۔

علاوہ ازیں شہزادہ فیصل بن فرحان سے جمعے کو ازبکستان کے وزیر خارجہ بختیار سیدوف نے ٹیلی فون پر رابطہ کیا ہے۔ دوطرفہ تعلقات کا جائزہ اور مشترکہ دلچسپی کے امور پر تبادلہ خیال کیا گیا۔