ابوظبی میں صحت عامہ کی خلاف ورزی پر ریستوران اور کیفٹیریا سیل

ابوظبی میں معروف ریستوران  اور کیفے ٹیریا  کو عوامی صحت کے لیے نقصان دہ قرار دیتے ہوئے بند کروا دیا گیا۔  

الامارات الیوم اخبار کے مطابق ابوظبی فوڈ اینڈ سیفٹی اتھارٹی کی جانب سے جاری بیان میں کہا گیا ہے کہ ابوظبی کے مشرق میں واقع محمد بن زاید شہر میں ایک کیفٹیریا ’اسٹرونگ ٹی‘ کو تفتیشی ٹیموں نے سیل کردیا جہاں پیش کی جانے والی اشیا سے صحت عامہ کے لیے نقصان کا اندیشہ تھا۔

دوسری جانب نیو ابوظبی کے علاقے الشھامہ میں بھی ’کوہ نور‘ نامی ریستوران کو صحت عامہ کے لیے نقصان دہ قرار دیتے ہوئے تفتیشی ٹیم نے سیل کردیا ہے۔

واضح رہے امارات میں فوڈ اینڈ سیفٹی اتھارٹی کی ٹیمیں اشیائے خورونوش فروخت کرنے والی دکانوں اور ریستوران کا مسلسل دورہ کرتی ہیں تاکہ صحت عامہ کی خلاف ورزی کرنے والوں کا تدارک کیا جائے۔