ریجنل ڈائریکٹر وزارتِ خارجہ سے ازبک قونصل جنرل کی ملاقات

وزارتِ خارجہ مکہ مکرمہ ریجن کے ڈائریکٹر جنرل فرید بن سعد الشھری نے ازبکستان کے قونصل جنرل سراج الدین شمس الدین آف سے ملاقات کی ۔

سعودی خبررساں ایجنسی’ ایس پی اے‘ کے مطابق ازبکستان کے قونصل جنرل سراج الدین نے سفارتی اسناد ریجنل ڈائریکٹر وزارت خارجہ فرید الشھری کے حوالے کیں۔

اس موقع پر باہمی دلچسپی کے دیگر امور سمیت ازبکستان اور سعودی عرب کے دوطرفہ تعلقات اور مختلف شعبوں میں ان کے فروغ  پر بھی تبادلہ خیال کیا گیا۔