سعودی قیادت کی طرف سے تیونس کو قومی دن پر مبارکباد

خادم حرمین شریفین شاہ سلمان بن عبد العزیز اور ولی عہد شہزادہ محمد بن سلمان نے تیونس کو قومی دن پر مبارکباد پیش کی ہے۔

سعودی پریس ایجنسی کے مطابق سعودی قیادت نے تیونس کے صدر قیس سعید کو تہنیتی پیغام روانہ کئے ہیں۔

سعودی قیادت نے تیونس کے صدر کے لیے صحت و عافیت اور نیک تمناؤں کا اظہار کیا ہے۔

سعودی قیادت نے قومی دن پر تیونس کے لیے مزید ترقی و کامرانی کی امید ظاہر کی ہے۔