شاہ سلمان بن عبدالعزیز ریاض سے جدہ پہنچ گئے

سعودی عرب کے فرمانروا خادم حرمین شریفین شاہ سلمان بن عبدالعزیز اتوار کو ریاض سے جدہ پہنچ گئے۔

سرکاری خبر رساں ایجنسی ایس پی اے کے مطابق جدہ کے کنگ عبدالعزیز انٹرنیشنل ایئرپورٹ پر مکہ ریجن کے نائب گورنر شہزادہ سعود بن مشعل بن عبدالعزیز نے ان کا خیرمقدم کیا۔

شہزادہ خالد بن فہد بن خالد، شہزادہ منصور بن سعود بن عبدالعزیز اور دیگر شاہی شخصیات اور حکام بھی ان کے ہمراہ پہنچے ہیں۔

قبل ازیں ریاض کے نائب گورنر شہزادہ محمد بن عبدالرحمن بن عبدالعزیز نے انہیں کنگ خالد ایئر پورٹ سے الوداع کیا۔