گورنر مدینہ اور نائب گورنر مکہ نے حرمین شریفین میں افطار کیا

گورنر مدینہ منورہ شہزادہ سلمان بن سلطان اور نائب گورنر مکہ مکرمہ شہزادہ سعود بن مشعل نے حرمین شریفین میں روزہ افطار کیا۔

ایس پی اے کے مطابق گورنر مدینہ منورہ شہزادہ سلمان بن سلطان نے مسجد نبوی کے بیرونی صحن میں سکیورٹی فورسز کے اہلکاروں کے ساتھ افطارکیا۔

اس موقع پر ادارہ امن عامہ کے ریجنل ڈائریکٹر بریگیڈیئریوسف الزھرانی بھی موجود تھے۔

گورنر مدینہ منورہ نے مسجد نبوی میں سکیورٹی اہلکاروں کی ذمہ داریوں کا جائزہ بھی لیا اور اہلکاروں کی جانب سے زائرین کو پیش کی جانے والی خدمات کو سراہا۔

 ڈپٹی گورنر مکہ مکرمہ شہزادہ سعود بن مشعل اپنی ٹیم کے ہمراہ مسجد الحرام پہنچے جہاں انہوں نے سیکیورٹی اہلکاروں کے ساتھ مل کر انتہائی سادگی سے روزہ افطار کیا۔

اس موقع پر انہوں نے زائرین حرم کے لیے اہلکاروں کی خدمات کو سراہا۔