سعودی عرب میں جمعرات سے پیر تک کہیں ہلکی اور کہیں تیز بارش

سعودی عرب میں موسمیات کے قومی مرکز نے خبردار کیا ہے کہ ’جمعرات سے پیر تک مملکت کے بیشترعلاقوں میں کہیں ہلکی جبکہ بعض جگہ موسلا دھار بارش کے قوی امکانات ہیں۔‘

عاجل نیوز نے موسمیاتی مرکز کی جانب سے جاری ہونے والی رپورٹ کے حوالے سے بتایا ’مکہ مکرمہ ریجن کے علاقے طائف، میسان، اضم، العرضیات، المویہ، الخرمہ، رنیہ، تربہ، شہر مقدس، بحرہ، الجموم اور خلیص میں جمرات سے اتوار تک بارش کے ساتھ تیز گرد آلود ہوا چلنے کا امکان ہے۔‘

الباحہ ریجن کے بعض علاقے بھی جمعرات سے پیر تک بارش کی لپیٹ میں رہیں گے۔

جبکہ ریاض، قصیم، حائل، نجران، مدینہ منورہ، الجوف اور شمالی حدود کے علاقوں میں بھی بارش کا سلسلہ پیر تک جاری رہے گا۔