سعودی ڈیلیوری سیکٹر میں ایک سال کے دوران 290 ملین آرڈرز

سعودی عرب میں2024 کے دوران  ڈیلیوری سیکٹر میں نمایاں ترقی دیکھنے میں آئی ہے  مملکت بھر میں آرڈرز کی تعداد 290 ملین تک پہنچ گئی۔

ایس پی اے کے مطابق سعودی ٹرانسپورٹ جنرل اتھارٹی (ٹی جی اے) کے تحت  اس وقت مارکیٹ میں لائسنس یافتہ 61 کمپنیاں ڈلیوری سروس کا کام کررہی ہیں۔ 

سعودی دارالحکومت ریاض 130.5 ملین سے زیادہ آرڈرز کے ساتھ سرفہرست ہے جو کل آرڈرز کا  45 فیصد ہے۔ دوسرے نمبر پر مکہ ریجن ہے جہاں آرڈرز کی تعداد 65.4 ملین ہے۔

اسی طرح تیسرے نمبر پر منطقہ اشرقیہ میں آرڈرز کی تعداد 43.2 ملین رہی۔

 مدینہ منورہ کا نمبر چوتھا ہے جہاں 12.3 ملین آرڈرز ڈلیور کیے گئے۔ عسیر ریجن میں 9.4 آرڈرز ریکارڈ کیے گئے۔

القصیم میں 8.5 ملین آرڈرز، تبوک میں 5.2 ملین، حائل میں 4.1 ملین اور جازان میں 3.3 ملین آرڈرز دیے گئے۔

سعودی ٹرانسپورٹ جنرل اتھارٹی کا کہنا ہے اس ترقی میں کئی فیکٹرز شامل ہیں۔ قواعد و ضوابط اور پالیسیاں   نے ڈلیوری کمپنیوں کو اعلی معیار اور موثر خدمات فراہم کرنے، ڈیجیٹکل انفراسٹرکچر میں اضافے اور لاجسٹکس شعبے میں انوویشن کے لیے سپورٹ فراہم کی۔  ان کوششوں سے صارفین کے آرڈرز کی ترسیل کے ریسپانس ٹائم میں بہتری آئی اور مارکیٹ میں مسابقت  بڑھی ہے۔