وزیر کھیل و سعودی اولمپک و پیرا اولمپک کمیٹی کے چیئرمین شہزادہ عبدالعزیز بن ترکی کا کہنا تھا کہ مملکت کی میزبانی میں مسلسل چھٹی بار ریلی کا انعقاد اس بات کی نشاندہی کرتا ہے کہ سعودی عرب اس قسم کی بڑے پروگراموں کو بہتر طریقے سے انجام دینے کی بھرپور صلاحیت رکھتا ہے۔
شہزادہ عبدالعزیز بن ترکی نے مزید کہا کہ ڈاکار ریلی مختلف مراحل پر مشتمل ہے جو ’بیشہ ‘ سے شروع ہو کر ’شبیطہ‘ میں اختتام پذیر ہوگی۔ ریلی کی مجموعی مسافت 7 ہزار 737 کلومیٹر ہے۔
سعودی آٹوموبائل اینڈ موٹرسائیکل فیڈریشن کے چیئرمین شہزادہ خالد بن سلطان بن عبداللہ کا کہنا تھا کہ ’ہمیں مسلسل چھٹی بار ریلی کی میزبانی کرنے پر فخر ہے ، ریلی کا یہ ایڈیشن مثالی ہو گا جس کے لیے نئے علاقوں اور راستوں کا انتخاب کیا گیا ہے جو اس سے قبل نہیں تھے‘۔
ریلی میں 70 ممالک سے تعلق رکھنے والے ڈرائیورز شرکت کررہے ہیں(فوٹو، ایس پی اے)
واضح رہے سعودی ڈاکارریلی 2025 میں 70 ممالک سے تعلق رکھنے والے 800 افراد شرکت کریں گے جبکہ گاڑیوں کی تعداد 439 ہے جو چھ کیٹگری کے لیے ہیں ۔ 136 موٹرسائیکلیں اور صحرا میں چلنے والی خصوصی گاڑیاں بھی شامل ہیں۔ ریلی میں ٹرک اورکلاسک گاڑیاں بھی شامل ہیں۔
ڈاکار ریلی بیشہ سے شروع ہوگی اور مراحلہ وار پروگرام کے تحت مختلف مسافتیں طے کی جائیں گی۔ ریلی حناکیہ سے ہوتی ہوئی العلا ، حائل ، الدوادمی ، ریاض ، حرض سے ہوکر شبیطہ پر ختم ہو گی ۔
