انڈونیشی عازمین کا کوٹہ بڑھانے کے لیے سعودی حکام سے بات چیت

انڈونیشی وزارت دینی امور نے کہا ہے کہ انڈونیشی عازمین حج کا کوٹہ بڑھانے کے لیے سعودی حکام سے بات چیت جاری ہے۔

سبق ویب سائٹ کے مطابق انڈونیشی حکام کا کہنا ہے کہ ’ہماری خواہش ہےکہ امسال  انڈونیشی عازمین کے کوٹے میں اضافہ کیا جائے‘۔

انڈونیشی وزارت دینی امور کے حکام نے کہا ہے کہ ’انڈونیشی عازمین کے اولین قافلے دو مئی سے 16 مئی کے درمیان سعودی عرب روانہ ہوں گے‘۔

’طے شدہ جدول کے مطابق اولین قافلے مدینہ منورہ پہنچیں گے‘۔

انڈونیشی حکام نے کہا ہے کہ ’انڈونیشیا سے آخری حج پرواز 31 مئی کو سعودی عرب روانہ ہوگی‘۔