مسئلہ فلسطین کے منصفانہ اور جامع حل کی تلاش کے لیے عرب میڈیا کا کردار اہم‘

سعودی وزیراطلاعات سلمان الدوسری نے فلسطین کاز کی کامیابی اور بین الاقوامی قراردادوں کی روشنی میں تنازع کے منصفانہ اور جامع حل کی تلاش کے لیے عرب میڈیا کی اہمیت پرزوردیا ہے۔

سعودی خبررساں ایجنسی ’ایس پی اے‘ کے مطابق ابوظبی میں عرب وزرائے اطلاعات کے ایگزیکٹو آفس کے 20 ویں اجلاس کی صدارت کرتے ہوئے سعودی وزیر اطلاعات نے کہا ’آج ہم یہاں مشترکہ عرب میڈیا کے کاموں کو فروغ دینے کےلیے 12 نکات پر بحث کرنے کےلیے اکھٹے ہوئے ہیں جن میں سرفہرست مسئلہ فلسطین ہے۔‘

انہوں نے عرب خطے کےلیے ماحولیاتی چیلنجز سے نمٹنے کے حوالےسے مشترکہ میڈیا منصوبہ بندی پر بھی زوردیا۔

وزیر اطلاعات نے مملکت کی جانب سے کوب 16 کے حوالے سے ’ون واٹر کانفرنس ‘ کی میزبانی کرنے اور عرب میڈیا میں ان کے نتائج کو اجاگر کرنے کی اہمیت پر بھی روشنی ڈالی۔

انہوں نے عرب میڈیا میں مصنوعی ذہانت  کی اہمیت پر زوردیتے ہوئے اس شعبے میں رائج کرنے کو وقت کی ضرورت قرار دیا۔

اجلاس میں میڈیا کے حوالے سے ترقیاتی امور کے علاوہ دہشتگردی کے سد باب کےلیے میڈیا کے اہم کردار کو بھی اجاگر کیا گیا۔

علاوہ ازیں عرب لیگ کی دیگر ممالک کے میڈیا ہاوسز سے پائیدار حکمت عملی پر بھی بات کی گئی۔