القدیہ شاہراہ میں مرمت کا کام، 12 دن کے لیے بند

روڈ جنرل اتھارٹی نے کہا ہے کہ آج اتوار سے القدیہ شاہراہ مرمت و اصلاح کے لیے بند ہوگی۔

سبق ویب سائٹ کے مطابق   اتھارٹی نے کہا ہے کہ ’القدیہ شاہراہ مجموعی طور پر 12 دن کے لیے جزوی بند رہے گی‘۔

’مذکورہ شاہراہ 6 دنوں کے لیے دونوں طرف مکمل بند رہے گی جہاں کارپٹنگ کا کام ہوگا جبکہ مکہ مکرمہ اور ریاض جانے والی شاہراہ جزوی طور پر 6 دنوں کے لیے بند رہے گی‘۔

اتھارٹی نے کہا ہے کہ ’مسافروں کی سہولت کے لیے صرف ویک اینڈ پر رات ایک بجے سے 4 بجے کے درمیان ٹریفک کے لیے متبادل راستہ کھولا جائے گا‘۔