سعودی عرب میں آج کا موسم کیسا رہے گا؟

محکمہ موسمیات نے کہا ہے کہ مکہ مکرمہ، عسیر، جازان اور الباحہ میں آج ہفتے کو ہلکی بارش کا امکان ہے۔

سبق ویب سائٹ کے مطابق محکمے نے کہا ہے کہ ’مکہ مکرمہ ریجن کے شہروں طائف، یلملم، میسان اور اضم میں رات 11 بجے تک کہیں ہلکی اور کہیں درمیانے درجے کی بارش ہوگی‘۔

محکمے نے کہا ہے کہ ’اس سے ملتی جلتی کیفیت عسیر، جازان اور الباحہ کے مختلف شہروں میں ہوگی جہاں بعض شہروں میں ہلکی بارش کے ساتھ تیز ہوا بھی چلے گی‘۔

محکمے نے بتایا ہے کہ ’مشرقی ریجن کے شہروں الدمام، الخبر ، جبیل اور دیگر میں تیز ہوا چلے گی جس کے باعث مطلع گرد آلود رہے گا اور حد نگاہ متاثر ہوگی‘۔