کویت میں سعودی عرب کے ساتھ ریلوے کے لیے ٹینڈروں کی وصولی

کویت نے سعودی عرب کے ساتھ ریلوے لائن منصوبے کے لیے ٹینڈر طلب کرلیئے ہیں۔

سبق ویب سائٹ کے مطابق کویت سے سعودی عرب کی سرحد تک ریلوے لائن کی لمبائی 111 کلو میٹر ہوگی۔

کویت میں بچھائی جانے والی ریلوے لائن کے منصوبے کی مدت 12 ماہ ہوگی۔

واضح رہے کہ یہ جی سی سی ممالک کو ریلوے لائن سے جوڑنے والے منصوبے کا حصہ ہے جس پر کم و بیش دو سو بلین ڈالر کی لاگت آئے گی۔

مجموعی طور پر ریلوے لائن کی لمبائی دو ہزار کلو میٹر ہوگی جو تمام خلیجی ممالک سے گزرے گی۔

کویت میں ریلوے لائن بچھانے کے لیے چار کمپنیوں نے دلچسپی ظاہر کی ہے ۔