برآمد ہونے والی گولیوں کی تعداد ایک کروڑ سے زائد ہے(فوٹو، ایس پی اے)
جدہ سی پورٹ پر کسٹم حکام نے بیرون ملک سے آنے والی جپسم بورڈ کی شمپنٹ میں چھپائی گئی نشہ آور گولیوں کی اسمگلنگ کی کوشش ناکام بنا دی۔
سعودی خبررساں ایجنسی ’ایس پی اے‘ کے مطابق جدہ کی اسلامی بندرگاہ پر کسٹم اتھارٹی کی ٹیموں نے بیرون ملک سے لائی جانے والی ایک شپمنٹ کا جائزہ لیا جو جپسم بورڈز پر مشتمل تھی۔
جپسم کے بورڈز میں منشیات کی گولیاں چھپائی گئی تھیں(فوٹو، ایس پی اے)
کسٹم اہلکاروں نے جپسم بورڈز کو شک پڑنے پر کھولا تو ان کےاندر انتہائی مہارت سے نشہ آور گولیاں چھپائی گئی تھیں۔
برامد ہونے والی گولیوں کی تعداد ایک کروڑ 93 لاکھ 4 ہزار تھی ۔ نشہ آور گولیاں محکمہ انسداد منشیات کے حوالے سے کردی گئیں۔
