سعودی قیادت کی طرف سے تیونس کے صدر کو مبارکباد

خادم حرمین شریفین شاہ سلمان بن عبد العزیز اور ولی عہد شہزادہ محمد بن سلمان نے تیونس کے صدر قیس سعید کو دوبارہ منتخب ہونے پر مبارکباد پیش کی ہے۔

سعودی پریس ایجنسی کے مطابق سعودی قیادت نے تیونس کے صدر کو تہنیتی مکتوب روانہ کئے ہیں۔

سعودی قیادت نے تیونس کے صدر کے لیے دوسری مدت میں کامیابی کی امید ظاہر کی ہے۔

سعودی قیادت نے تیونس کے لیے مزید ترقی و کامرانی کی امید کے ساتھ سعودی عرب اور تیونس کے برادرانہ تعلقات کو سراہا ہے۔