سعودی عرب کے سکولوں میں ٹیچر ڈے منایا گیا

سعودی وزارت تعلیم کی سرپرستی میں آج اتوار کو تمام سرکاری و نجی سکولوں میں ٹیچر ڈے منایا گیا ہے۔

سبق ویب سائٹ کے مطابق  وزارت تعلیم نے اپنے صدر دفتر ریاض میں کل ہفتے کو سعودی اور چینی ٹیچروں کی شرکت سے ٹیچر ڈے کی تقریب کا انعقاد کیا ہے۔

تقریب کے دوران وزارت تعلیم کے مختلف دفاتر کے سربراہوں نے اس دن کی اہمیت کو اجاگر کیا اور طلبہ میں ٹیچر کے احترام کا شعور بیدار کرنے پر زور دیا۔

تقریب سے چینی ٹیچر ژانگ زوئی نے خطاب کرتے ہوئے خوشی کا اظہار کیا اور تمام طلبہ کے لیے کامیابی کی امید ظاہر کی ۔

ٹیچر ڈے کی مناسبت سے مختلف سرکاری و نجی سکولوں کے طلبہ اپنے ٹیچروں کو تحائف پیش کرکے اپنی محبت کا اظہار کیا ہے۔