سعودی قیادت کا نیپال میں ہونے والی ہلاکتوں پر افسوس

خادم حرمین شریفین شاہ سلمان بن عبد العزیز اور ولی عہد شہزادہ محمد بن سلمان نے نیپال میں سیلاب کے باعث ہلاکتوں پر افسوس کا اظہار کیا ہے۔

سعودی پریس ایجنسی کے مطابق سعودی قیادت نے نیپالی صدر رام چندرا پاوٹیل کو تعزیتی مکتوب روانہ کئے ہیں۔

سعودی قیادت نے نیپالی صدر کو اپنے مکتوب میں کہا ہے کہ ’ہمیں تباہ کن سیلاب کے باعث ہونے والی ہلاکتوں کی افسوسناک اطلاع پر دکھ ہوا ہے‘۔

’ہم اس غم میں آپ کے برابر کے شریک ہیں اور متوفین کے لواحقین سے اظہار تعزیت اور لاپتہ ہونے والوں کی بازیابی کی امید رکھتے ہیں‘۔