سعودی قیادت نے جزائر قمر کے صدر پر حملے کی مذمت کردی

خادم حرمین شریفین  شاہ سلمان بن عبد العزیز اور ولی عہد شہزادہ محمد بن سلمان نے جزائر قمر کے صدر کرنل عثمان غزالی پر حملے کی مذمت کی ہے۔

سعودی پریس ایجنسی کے مطابق سعودی قیادت نے  جزائر قمر کے صدر کرنل عثمان غزالی کو مکتوب روانہ کئے ہیں۔

سعودی قیادت نے جزائر قمر کے نام اپنے مکتوب میں کہا ہے کہ ’ہمیں مذموم حملے کی اطلاع ملی ہے جسے ہم یکسر مسترد کرتے ہیں‘۔

سعودی قیادت نے جزائر قمر کے صدر کو کہا ہے کہ ’سعودی عرب تشدد کی ہر شکل و صورت کی مذمت کرتا ہے‘۔

سعودی قیادت نے جزائر قمر کے صدر کے لیے صحت و عافیت کی امید کا اظہار کیا ہے۔