ریاض میں اجتماعی جھگڑے میں ملوث 12 افراد گرفتار

ریاض پولیس نے پبلک مقام پر اجتماعی جھگڑے میں ملوث 12 غیر ملکیوں کو گرفتار کرلیا ہے۔

سبق ویب سائٹ کے مطابق پولیس نے کہا ہے کہ ’گرفتار شدگان شامی تارکین ہیں‘۔

ریاض پولیس نے محکمہ امن عامہ کے ایکس پر اکاؤنٹ میں کہا ہے کہ ’مذکورہ افراد کے جھگڑے کی ویڈیو وائرل ہوگئی تھی‘۔

’ویڈیو کی بنا پر ملوث افراد کی شناخت کی گئی اور انہیں ریکارڈ وقت میں گرفتار کیا گیا ہے‘۔

’تفتیش مکمل کرنے کے بعد انہیں پبلک پراسیکیوشن کے حوالے کردیا جائے گا‘۔