سعودی گیمز کا مشعل طائف پہنچ گیا

سعودی گیمز کا مشعل طائف پہنچ گیا جہاں اونٹوں کی دوڑ کے میدان میں عوام استقبال کیا گیا ہے۔

سبق ویب سائٹ کے مطابق طائف میں اونٹوں کی دوڑ ولی عہد کی کپ پر جاری ہے ۔

اونٹوں کی دوڑ کے میدان میں استقبالیہ تقریب کی صدارت سعودی اولمپک کمیٹی اور اونٹوں کی دوڑ کے مسابقے کے سربراہ شہزادہ فہد بن جلوی بن مساعد نے کی ہے۔

واضح رہے کہ سعودی گیمز ملک کا سب سے بڑا سپورٹس ایونٹ ہے جس کا مشعل تمام شہروں میں لے جایا جارہا ہے اور اس کا عوامی استقبال ہو رہا ہے۔

اونٹوں کی دوڑ کے میدان سکیٹنگ کی کھلاڑی شریفہ السدیری نے مشعل اٹھا رکھا تھا جنہوں نے مشعل شہزادہ فہد بن جلوی کے حوالے کی۔

خیال رہے کہ طائف میں تیسری مرتبہ ولی عہد کے کپ پر اونٹوں کی دوڑ جاری ہے جو مسابقے کے ساتھ ثقافتی سرگرمی بھی ہے اور جس میں ملک بھر سے شائقین شرکت کرتے ہیں۔