سعودی سرحدی محافظوں نے صحرا میں پھنسے چار پاکستانیوں کو بچا لیا

سعودی عرب کے الشرقیہ ریجن کے البطحا سیکٹر میں سرحدی محافظوں نے صحرا ربع الخالی میں چار پاکستانیوں کو بچا لیا۔

اخبار24 کے مطابق پاکستانی شہریوں کی گاڑی ریت کے ٹیلوں میں پھنس گئی تھی، سرحدی محافظوں نے انہیں فوری مدد فراہم کی۔

جنرل ڈائریکٹوریٹ آف بارڈر گارڈز نے عوام پر زور دیا کہ وہ مکہ مکرمہ، ریاض اور الشرقیہ ریجن میں 911 اور مملکت کے دیگر علاقوں میں 994 پر ہنگامی امداد کےلیے کال کریں۔