سعودی قیادت کا سابق اردنی وزیر اعظم کے انتقال پر اظہار تعزیت

سعودی عرب کے شاہ سلمان بن عبدالعزیز اور ولی عہد شہزادہ محمد بن سلمان نے منگل کو اردن کے سابق وزیراعظم زید سمیر الرفاعی کے انتقال پر اردنی فرمانروا سے تعزیت کا اظہار کیا ہے۔

ایس پی اے کے مطابق شاہ سلمان اور ولی عہد نے اردن کے فرمانروا شاہ عبداللہ ثانی کو الگ الگ تعزیتی پیغامات بھیجے ہیں۔

یاد رہے کہ اردنی خبر رساں ایجنسی کے مطابق سابق وزیراعظم زید سمیر الرفاعی گزشتہ روز انتقال کرگئے، ان کی عمر 87 برس تھی۔

وہ پہلی مرتبہ 1973 میں وزیر اعظم بنے اور پھر 1985 میں دوسری مرتبہ اس عہدے پر فرائض انجام دیے۔