سعودی قیادت کا امیر کویت سے اظہار تعزیت
شہزادہ محمد بن سلمان نے کویتی ولی عہد سے بھی اظہار تعزیت کیا ہے۔ (فوٹو عاجل)
خادم حرمین شریفین شاہ سلمان بن عبدالعزیز آل سعود اور ولی عہد نے امیر کویت شیخ مشعل الاحمد الجابر الصباح کو شیخ جابر دعیج الابراہیم الصباح کے انتقال پر الگ الگ تعزیتی پیغامات ارسال کیے ہیں۔
سعودی خبررساں ادارے ’ایس پی اے‘ کے مطابق خادم حرمین شریفین شاہ سلمان بن عبدالعزیز نے امیر کویت شیخ مشعل الاحمد الجابر الصباح کے نام اپنے ٹیلیگرام میں کہا کہ ’ہمیں شیخ جابر دعیج الابراہیم الصباح کے انتقال کی خبر ملی جس پر دکھ ہوا۔ ہم آپ سے اور ان کے خاندان سے اظہار تعزیت کا اظہار کرتے ہیں‘۔
دوسری جانب سعودی ولی عہد شہزادہ محمد بن سلمان بن عبدالعزیز نے امیر کویت شیخ مشعل الاحمد الجابر الصباح کے نام اپنے ٹیلیگرام میں کہا کہ ’شیخ جابر دعیج الابراہیم الصباح کے انتقال کی خبر ملی بے حد دکھ ہوا۔ اللہ تعالی سے دعا ہے کہ وہ شیخ جابر دعیج الابراہیم الصباح کے اہل خانہ کو صبرجمیل عطا فرمائے‘۔
سعودی ولی عہد شہزادہ محمد بن سلمان نے کویتی ولی عہد شیخ صباح خالد الحمد المبارک الصباح کو بھی شیخ جابر دعیج الابراہیم الصباح کے انتقال پر تعزیتی ٹیلیگرام ارسال کیا ہے۔
واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں
سعودی اعلی قیادت کی جانب سے اماراتی صدر سے اظہار تعزیتNode ID: 857396
شاہ سلمان اور ولی عہد کا امیر کویت سے اظہار تعزیتNode ID: 871096
