حساس معلومات کو عام کرنے پر 30 لاکھ ریال جرمانہ

سعودی پبلک پراسیکیوشن کی جانب سے ذاتی معلومات کے تحفظ کے قانون کی وضاحت کرتے ہوئے کہا گیا ہے خلاف ورزی کے مرتکب کو دو برس قید اور 30 لاکھ ریال جرمانے کی سزا دی جائے گی ۔

سبق نیوز کے مطابق پبلک پراسیکیوشن کے ادارے کا کہنا ہے کہ  پرسنل ڈیٹا پروٹیکشن سسٹم کا مقصد ڈیجیٹل لین دین اور دستخطوں کے استعمال کے لیے متحدہ طریقہ کار کو آسان بنانا ہے جس کا مقصد الیکٹرانک ریکارڈز کے ذریعے پبلک اور نجی شعبوں کے معاملات کو آسان بنانا ہے۔

پراسیکیوشن نے خبردار کیا ہے کہ ذاتی و حساس نوعیت کا ڈیٹا یا معلومات کو عام کرنا یا اسے کسی کے نقصان یا اپنے فائدے کی غرض سے خلاف قانون عمل ہے ایسا کرنے والے کو سخت سزا دی جائے گی۔

پرسنل ڈیٹا یا اہم و حساس معلومات کو افشا کرنے والے کو دو برس تک قید اور 30 لاکھ ریال جرمانہ یا دونوں سزائیں بیک وقت بھی دی جاسکتی ہیں۔