Sorry, you need to enable JavaScript to visit this website.
جمعرات ، 12 جون ، 2025 | Thursday , June   12, 2025
جمعرات ، 12 جون ، 2025 | Thursday , June   12, 2025

فلائی ناس کی مدینہ منورہ  سے بحرین اور دوحہ کے لیے براہ راست پروازیں ستمبر سے

دوحہ کے لیے ہفتہ وار دو پروازوں کا آغاز 12 ستمبر سے ہوگا۔ (فوٹو عاجل)
سعودی فضائی کمپنی’فلائی ناس‘ جو مشرق وسطی اور دنیا بھر کی لو بجٹ ایئرلائنز میں سے ایک ہے، نے کہا ہے کہ  مدینہ منورہ سے بحرین اور دوحہ کے لیے براہ راست پروازوں کا سلسلہ ستمبر سے شروع ہوگا۔
سبق ویب سائٹ کے مطابق فلائی ناس کا کہنا ہے کہ وہ 10 ستمبر سے مدینہ منورہ کے امیر محمد بن عبدالعزیز انٹرنیشنل ایئرپورٹ سے بحرین کے منامہ انٹرنیشنل ایئرپورٹ کے لیے ہفتے میں 3 پروازیں شروع کرے گی جبکہ مدینہ منورہ سے دوحہ کے درمیان 12 ستمبر سے ہفتہ وار 2 پروازوں کا آغاز کیا جائے گا۔
فلائی ناس نے اپنے سفر کا آغاز 2007 سے شروع کیا تھا اور اب تک وہ 78 ملین سے زیادہ مسافروں کو اپنے طیاروں کے ذریعے سفر کی سہولت فراہم کرچکا ہے۔
فلائی ناس 1500 سے زیادہ ہفتہ وار پروازوں کے ذریعے 70 سے زیادہ ڈومیسٹک اور انٹرنیشنل مقامات سے خود کو جوڑے ہوئے ہے۔
 
واٹس ایپ پر سعودی عرب کی خبروں کے لیے اردو نیوز گروپ جوائن کریں

شیئر: