ریاض میں ’رنگ آف فائر‘ عالمی مقابلہ آج ہوگا

ریاض میں عالمی باکسر ٹایسن فیوری اور الیگزینڈر اوزک کے درمیان باکسنگ مقابلہ ہفتے کو ہوگا۔

سبق ویب سائٹ کے مطابق عالمی چیمپئن کا خطاب حاصل کرنے والے اس مقابلے کو ’رنگ آف فائر‘ کا نام دیا گیا ہے۔

سعودی انٹرٹینمنٹ اتھارٹی کے سربراہ ترکی آل الشیخ نے  تاریخی مقابلے کے تماشائیوں کے لیے ایک لاکھ ڈالر کا انعام رکھا ہے۔

ریاض میں ہونے والا باکسنگ کا عالمی مقابلہ منفرد طرز پر ہے جہاں نہ صرف جیتنے والے کو انعام دیا جائے گا بلکہ مقابلے کے صحیح نتیجے کا اندازہ لگانے والے کو ایک لاکھ ڈالر نقد انعام بھی دیا جائے گا۔

ریاض سیزن کی انتظامیہ نے صحیح اندازہ لگانے والے تماشائیوں کے لیے خصوصی ویب سائٹ جاری کردی ہے۔