اسلام آباد ...پانامہ کیس کی تحقیقات کرنے والی جے آئی ٹی نے وزیر اعلی پنجاب شہباز شریف کو بھی ہفتے کو طلب کرلیا۔ ذرائع کے مطابق شہباز شریف کو سمن بھیج دیا گیا ۔ انہیں ہفتے کی صبح 11بجے دستاویز کے ساتھ پیش ہونے کی ہدایت کی گئی ہے۔ وزیراعظم نواز شریف جمعرات کو جے آئی ٹی کے سامنے پیش ہونگے۔ سیکیورٹی پلان تیار کرلیا گیا۔وزیراعظم کی آمد سے قبل علاقے کو سیل کرکے جیمر نصب کئے جائیں گے۔ سیکڑوں پولیس اور رینجرز اہلکار تعینات کئے جا رہے ہیں۔اسلام آباد میں جوڈیشل اکیڈمی کے اطراف نواز شریف کی حمایت میں بینرز آویزاں کئے گئے ہیں۔
